Kakabos

Buloy: Bay Bitoy unsay atong sud-an ron?

Bitoy: Green leafy soup with fish pellet de el nino.

Buloy: Ah maninglis man.

Bitoy: Abi pa lang pobre.

Buloy: Unsay binisaya anang sud-ana bay?

Bitoy: Utan sinabaw nga sinubakan og bulad(Toink!/Ayay!)

Hehehehehehehehehehehehehe!

Ang kakabos dili babag sa pagpakabuhi, pagpuyo nga yano, disente ug kabahin sa katilingban. Kun giisip mo ang imong kaugalingon nga kabos wala na magpasabot nga alaot ka ug nga ikaw ang labing makalulooy.

Sa bisan unsang kabutang ang tanan managsama. Kun alang nimo kabos ka kay dili mo maabot ang mahimo sa uban pag-amping, usa na sa makatabon sa mga maayong kahigayonan pagpuyo nga disente ug malipayon.

Menggoy: Bay Siano nganong nanampiling ka?

Siano: Naproblema ko sa akong Tatay gidinato man gud nako pagsulti sa iyang sakit para dili maguol.

Menggoy: Unsa man diay imong gisulti?

Siano: Naa siyay stomach pain ug skin allergy.

Menggoy: Unsa man diay na sa pinobre.

Siano: Panuhot ug bon-i(Toink!/Aguy!) Hehehehehehehe!

Kun duna may mga nagpakilimos dili tinuod nga tungod na sa tumang kakabos. Kapakyas na pagpahiluna sa angay ug husto nga buhaton sa padayon nga pagpakabuhi taliwa sa hagit sa panahon. Dunay iya-iya nga sirkumstansiya ang kalisod apan ang kakabos nga nagdumili pagpatulo sa singot maoy sagad mahulagway sa mga nag-ilaid sa tumang kapit-os.

Usa sa labing lisod buntogon sa wanang sa kalisod ang pagdawat ug pagpuyo sa unsay grasya bunga sa panlimbasog. Dunay mga kalisod nga bunga sa panimpalad. Panimpalad nga mahimo untang iuli sa unsay naandan apan mitugot nang mopaanod sa kasamtangan.

Buloy: Lagot ko anang atong silingan da sige padungog inasal ilang sud-an.

Bitoy: Balos, padungga sad unsay atong sud-an ron.

Buloy: Lami diay atong sud-an karon?

Bitoy: Tiny fishes with salty sauce.

Buloy: Mao ba…(singgit) Ang among sud-an karon mantinil lag tiny fishes with salty sauce….

Bitoy: Ana gyud dili gyud palupig.

Buloy: Taympa Toy unsa man diay nang tiny fishes with salty sauce?

Bitoy: Ayaw og saba ginamos na (Toink!/Ayay!)

 Hehehehehehehehehehehehe!

 Ang kakabos dili maoy tinud-anay nga problema sa pagpapuyo kun dili ang kaandam ug hingpit nga pagdawat sa unsay maabot sa imong mga paningkamot.

(emailad:[email protected])