Super all-out gyud ang media sa Manila sa ilang coverage sa kamatayon ni Comedian King Rodolfo “Dolphy” Quizon. Before ug after sa kamatayon ni Dolphy, hangtud sa atong pagsuwat niini, ang tv nagkontesay sa pagpabuhagay sa balita kalabot sa Comedy King.
* * *
Kini maoy obserbasyon sa usa ka magbabasa sa The Freeman ug Banat News nga mipadangat kanato sa mao niyang obserbasyon.
* * *
Mao sab niini ang atong na obserbahan. Sukad sa pagpanaw ni Dolphy ang tanang tv channels maoy gihisgutan buntag, udto ug gabii si Dolphy. Daghang mga importanteng balita kalabot sa ekonomiya, pangagamhanan, etc. ang nasakripisyo.
* * *
Tanang anggulo sa kinabuhi ni Dolphy gihatagan og luna sa media. Sama sa iyang pagpabayot-bayot sa pelikula.
* * *
Usa sab ako sa libuang fans ni Dolphy -- ang iyang tv series nga “Home Along da Riles” ug “John en Marsha” -- wa gyud nako sipyata sa nagdagan pa kini sa tv.
* * *
Dihay kaila nako gikan sa Manila nga nisulti nako nga ginegosyo sa ubang taga Maynila ang kamatayon sa atong idolo nga komedyante. Naay gipamaligya nga t-shirts diin napatik ang nawong ni Pidol. Diha sad kunoy mga pins nga may nawong sa atong idolo.
* * *
Nagkalata sab kuno ang mga hulagway ug posters ni Dolphy diin ang uban niini duna pay autograph ni Pidol bisan patay na. Mga CD ug DVD sa mga karaang salida ni Pidol mapalit sab sa sidewalks.
* * *
TRIVIA. Greetings sa atong mga higala diha sa Mambaling ug Alumnus. Daghang salamat sa inyong suporta sa Banat News.