Pag-ila sa kaugalingon

May usa ka dalaga nga hilabihan nakapanaway sa nangulitawo kaniya nga nakapasakit pag-ayo sa maong lalaki. Sa tumang kaugdang misulti kaniya si kinsa ka ba? Nahimut-okan ang babaye ug nisud-ong sa kaugalingon sa samin uban sa pangutana si kinsa ba tuod ako.

Kining tanan nagkinahanglan nga motubo pinaagi sa pag-aninaw sa atong kaugalingon kung kinsa kita. Nahiapil na niini ang atong mga apan sa atong pagkatawo nga maoy makapahinumdom kanato nga dili kita perpekto nga pagkatawo.

Angay natong hunahunaon nga ang pagkaanindot sa barog, pagkaguwapo ug guwapa makita ra kana sa gawas nga kung abton sa kamatayon kalabera ang tanan.

Ang tinud-anay nga nindot anaa sa suod sa atong pagkatawo. Mga hiyas nga gikatag sa Ginoo nga makapahimuot sa atong isigkatawo.

“Ang tanang butang nga gihimo sa Ginoo maanindot.”