Hatol kay Corona

Ngayon ay tapos na ang Impeachment Trial

hatol kay Corona nabatid ng bayan;

hindi siya dapat sa panunungkulan –

punong Mahistrado nitong sambayanan!

Dalawampung senador humatol sa kanya

na talagang mali ang kanyang depensa;

Kaya nang magwakas ang trial na mahaba

si CJ Corona may maling nagawa!

Palibhasa kasi kanyang nalimutan

ang delikadesa sa panunungkulan;

Kung noong una pang siya’y pagdudahan

nagbitiw na agad-siya ay may dangal!

Sa Japan, sa US at bansa sa Europe

posisyon at puri ay lubhang matayog;

Ang mga opisyal kahi’t nasa rurok

agad nagbibitiw sa mumunting gusot!

Ito ang marapat at napakaganda –

na dapat ginawa ni CJ Corona;

Kung nag-resign agad noong simula pa

di siya nabilad sa pagkakasala!

Alam nitong bayan siya’y ipinuesto

na lubhang mataas – Punong Mahistrado;

Siya’y midnight appointee at alam ng tao

natanggal si Gloria na kakampi nito!

Mga tagong yaman tiyak malalaman

kung ito’y natago kahi’t na saanman;

Lahat ng sekreto tiyak na lilitaw –

sa oras na ito’y hanapin ng bayan!

Ngayo’y may hatol na dalawampung senador

kapanig ni CJ balak pang maghabol;

Ang ano mang appeal na gagawin ngayon

ang yaman ni CJ tiyak na tatapon!

Saka tumpak lamang advice ni Estrada –

huwag nang kasuhan si Mr. Corona;

Huwag nang dagdagan ang kanyang parusa

naging Lingkod Bayan - iyon ay sapat na!