Natong mga yanong lungsoranon simple lang ang pagsabot nganong nakonbikto ang labaw’ng pangu sa hukmanan kanhi Chief Justice Renato Corona sa impeachment trial.
Balibalihon man ang mga artikulo sa impeachment, ihabol man sa tibuok hudikatora ang proteksiyon sa foreign deposit account, sayop man ang pasangil sa prosekusyon sa gidaghanon sa piso ug dolyar nga pundo sa bangko tataw sa habig sa kanhi Chief Justice ang kapital P as in pagpamakak.
Kamatooran nga naghatag og kayano ug kasayon ni Senador Lito Lapid bisan sa kaubos sa iyang edukasyon pagpadayag sa iyang boto pagkonbikto sa kanhi labawng pangu sa hukmanan.
(Dihay mga vendors naglalis kinsay bida sa pagkalagpot ni Corona)
Buloy: Akong bida si double L as in Lito Lapid
Menggoy: Ang tinuod nga bida gyud mao si DF Delsa Flores
Bitoy: Ang ako si DA.
Buloy: Kinsa man nang DA Toy Drilon ug Anggara?
Bitoy: Dili
Menggoy: Ah si Defensor ug Arroyo?
Bitoy: Labaw nang dili.
Buloy/Menggoy: Kinsa man diay na si DA?
Bitoy: Si Dollar Account(Toink!/Ayay!)
Hehehehehehehehehehehehehe!
Kun nangugat pag-ayo si Ex-CJ Corona nga ginapalipdan sa balaod ang wala niya pagtug-an sa iyang dolyar nga katigayonan siguradong samang pangugat ang buhaton sa mga sama niya ug gihimo sa iyang hagit nga waiver alang sa 188 ka mga kongresista og Senador Franklin Drilon pagpakita sab sa ilang katigayonan. Walay labot ang nipadayag na sa kaandam.
Nangamong naman lang si Corona nganong wala naman lang niya iapil og hagit tanang opisyal ug kawani sa gobiyerno apil na ang iyang higala nga si Kongresista Gloria Arroyo.
Ang labing dakong hagit alang naku dili lang sa mga opisyal sa atong kagamhanan.
Human sa makasaysayanon nga sugilanon sa atong nasud igo na ba lang nga magpaabot na usab kita og laing Corona o opisyal sa kagamhanan nga pasanginlang nanglimbong?
Sa atong pamilya ug sa atong kaugalingon mismo sugilanon na ba lang ang labing unang pagkalagpot sa usa ka labaw’ng pangu sa hukmanan tungod sa pagpamakak?
Dili kaha angay nga maghimo ta’g kaugalingong impeachment sa atong kasingkasing ug atong tan-awon dili ba ta usab konbiktado sa samang kasaypanan?
Dili ba kaha ta usab miyembro og kapital P sa atong palibot.
Sugyot lang!
(Dihay managkumpare)
Buloy: Biliba nako nimo pre wala gyud ka muangkon nga duna kay babaye.
Bitoy: Nganong muangkon man ko pre ma letrang M pa lang hinoon ko.
Buloy: Unsay letrang M? Ah Makulatahan?
Bitoy: Dili
Buloy: Makiha?
Bitoy: Dili
Buloy: Unsa man diay nga M?
Bitoy: Ma M-peach(Toink!/Aguy!)
Pagka letrang Em heheheheheh ehe!
(emailad: jomar_bellita@yahoo.com)