Corona pakwela!

Unsay kalainan sa meaning sa ICU sa The Medical City ug Impeachment Court?

The Medical City - Intensive Care Unit

Impeachment Court - Intawon Corona Uli (Toink!/Aguy!)

Hehehehehehehehehehehehehe!

Nahugno lakip na ang ubang mga nisalig ug nagtuo nga makahulma og lig-ong depensa si Chief Justice Renato Corona atol sa iyang paglingkod sa witness stand atubangan sa mga senador huwes dihang human sa iyang 3 ka oras nga testimoniya daling misibat nga walay pagtugot sa impeachment court.

Misuway siya pagbiya "on foot" apan nahibalik "on wheels" (Toink!)

Drama man o may sakit gyud ang wala paabota nga gihimo sa labaw’ng pango sa hukmanan nakaani og kakurat, pagsaway ug yagayaga sa publiko.

Buloy: Unsa nang gitapuk-an sa mga tawo Bitoy?

Bitoy: Tan-aw og CD.

Buloy: Unsay salida?

Bitoy: CD gani.

Buloy: Ang title akong gipasabot tonto.

Bitoy: CD gani tonto ang title "Corona Drama"(Toink!/Aguy!)

Hehehehehehehehehehehehe!

Napagan ang INC sa komedya. Ang bag-ong meaning daw sa INC- Impas Na si Corona (Aguy!)

Karong adlawa ang katapusang lugway sa Impeachment Court nga mobalik ang Chief Justice aron pagtiwas sa iyang testimoniya, pagtubag sa direct ug cross examination ug posebling mga pangutana sa mga Senator Judges.

Kun pabiling moloklok este matanggong ang Chief Justice sa tambalanan sa Lunes puhon himoon na ang oral arguments sa isig ka habig dayon ang botasyon sa mga senador huwes kun dili na mauswag sa sunod adlaw kana sab og walay kausaban sa nahaunang kamandoan ni Senate President Juan Ponce Enrile karong adlawa.

(Dihay magtutudlo nangutana)

Mana: Unsay common denominator sa kaso nila ni CJ Corona ug Kongresista Arroyo? Senyang!

Senyang: WC Mam Wangle and Corruption

Mana: Very good. Unsa pa? ikaw Bitoy?

Bitoy: Another WC Mam.

Mana:  Unsa man na nga WC?

Bitoy: Wheel Chair(Toink!/Aguy!)

Hehehehehehehehehehehehehe!

Katungod ni Chief Justice Corona ang pagsiguro sa kahimtang sa iyang panglawas. Dili sab tawhanon ug makiangayon nga pugson ang labaw’ng pango sa hukmanan pag-atubang pagbalik sa impeachment court nga makahatag og peligro sa iyang kinabuhi.

Ang dakong pangutana makatabang kaha sa labing unang Chief Justice nga napaubos og impeachment ang pagkatanggong niya karon sa tambalanan nga gitohoan sa uban nga drama ug inartista?

(Dihay mga propesyonal naghisgot sa kaso ni Corona)

Buloy: Si Corona guilty beyond reasonable doubt.

Menggoy: For me he deserve the benefit of the doubt.

(Dihay naminaw nila nga wala diay kasabot kay ininglis nisalga)

Bitoy: Mooyon ko anang inyong obserbasyon Sir ni doubt doubt (daot-daot) gyud siya tungod sa kaso(Toink!/Ayay!)

Nakasabot gyud! Hehehehehehehehehehehehehe

(emailad: [email protected].)