Mga sekreto ni Jesus ingon pangulo

Si Jesus Wala Magsapayan sa mga Batikos sa Iyang Kagikan

Daghan ang nangutana sa iyang kagikan, ug diin niya nakat-onan ang mga butang nga iyang gitudlo. Dili siya inila sanglit, anak ra man siya og panday. Apan si Jesus ang wala magpaapekto niini. Hinunoa, gihunahuna niya nga ang iyang kawsa adunay ugma ug kini matuman gayud sa tukmang panahon. Busa kun kita buot mamahimong magmalampuson ingon pangulo o lumilihok hinumdomi kining mosunod:

A. Ayaw umola ang imong kaugmaon diha sa imong kagahapon. Humana ang imong kagahapon, nilabay na kini. Ilubong kuyog niini ang mga bati ug sakit nga mga kasinatian sanglit, dili man sila makatabang sa imong pagtubo.

B. Ayaw imantala ang imong mga pagmahay, mga kasakitan, mga kahiubos kay imbis mahimo kang madasig ug makadasig sa uban aron sud-ongon ang kaugmaon, mahimo naman hinuon ikaw nga hinungdan sa kalas-ay sa kinabuhi.

Dili pa ulahi ang tanan. Ipunting ang imong panlantaw sa umaabot kay anaa didto ang daghang mga posibilidad nga mapuslanon kaayo alang kanimo.