Sa miagi gihisgutan nato nga ang stevia, usa ka tanom nga tam-is o botanical sweetener. Ang kinatam-isan nga klase niini mao ang Stevia Rebaudiana, 300x katam-ison kay sa naandan natong gigamit nga asukar. Ang steviol glycoside, ang birtud nga anaa sa tanom maoy naghatag grabeng katam-is sa Stevia.
Sa karaang panahon, didto sa south o west amerika dugay na kining gihimong tinubdan isip ilang nag-unang panginahanglan sa kahimsog sa panglawas. Nadiskubrehan sa atong sayantipiko nga dako kaayo ang demand niini karon sa atong panahon, ilabi na niadtong nagkontrol o nagdiyeta sa carbohydrates. Laing kagamitan niani mao nga gihimo usab kining natural nga patam-is sa health products ug ubang mga ilimnon o beverages.
Ang kanunay paggamit sa stevia makaayo sab sa pagregulate sa blood sugar o sa mga tawo nga dunay diabetes. Panagang sab ni alang sa impeksyon sa atong lawas o pamanit. Ug ingon man usab, momentinar sa pag-atiman sa atong lig-ong ngipon, nindot nga pamanit o buhok, ug maayong pangutok.
Tungod kay ang stevia nagbaton og mga health properties o minerales ug mga bitamina sama sa: Vitamin C, potassium, magnesium, fiber, iron, beta-carotene, chromium, magnesium, niacin, potassium, protein ug silicon.
Ang stevia sweetener, anaa na karon kini sa pipila ka mga eksklusibong health stores sa mga mall sa atong nasod. May pagkamahal kini kun itandi sa asukar, apan diyotay ray magamit mo ani busa makadaginot ka ug himsog pa.