Samtang naghinay-hinay ang Labangon-bound PUJ diha sa may city hospital, dihay tawo nga misakay. Wa’y bukton (sleeveless) ang t-shirt nga gisul-ob niini.
* * *
Usa ka bata, mga siyete anyos, ang kalit lang misinggit: “Hala, isnatser!” Ug kalit lang usab nga miambak sa jeep ang tawo nga bag-o pang nisakay.
* * *
Kadtong tawhana nailhan sa bata nga usa ka isnatser. Gipatak-om sa lola ang baba sa bata sa kahadlok nga basin og unsay buhaton kaniya sa tawo.
* * *
Matud sa bata nailhan gyud niya nga isnatser kadtong tawhana kay iyang nakita nga nang-isnats dihang nagkauban sila sa laing jeep padung gihapon sa Labangon.
* * *
Klaro gyud kuno tong maong isnatser nga iyang hikit-an. “Puno og patik ang bukton ug dunay bungot,” matud sa bata.
* * *
Kanang dapita diha sa Natalio Bacalso Ave., maoy lugar sa mga batan-ong kawatan nga kalit lang mangabli sa pultahan sa awto labi na mga taxi. Mao say lugar sa mga isnatser. Ug mga hasler.
* * *
TRIVIA -- Maayong buntag sa atong mga magbabasa diha sa Magallanes st. ug sa may Freedom Park. Salamat sa inyong suporta sa Banat News.