Balaud angay'ng ipatuman

Usa ka 5 anyos nga batang lalaki naligsan og motorsiklo samtang nagduwa-duwa daplin sa karsada...

* * *

Laing usa ka 5 anyos nga batang babaye nahug sa ilang pantawan samtang naggukod-gukod sa ilang binuhing iring...

* * *

Usa ka 6 anyos nga batang lalaki hapit nalumos samtang naglangoy-lagoy sa sapa duol sa ilang bay....

* * *

Laing usa ka 6 anyos nga batang lalaki nahug sa punuan sa bayabas ug nabalian sa iyang bukton...

* * *

Kalooy sa Dios way namatay sa gihisgutan tang mga bata nga naaksidente apan pulos nahilandig sa nagkadaiyang ospital diin ang ilang mga ginikanan nakagasto og dako alang sa ilang kaayuhan.

* * *

Di ba nga duna man kita’y balaud diin ang mga ginikanan maoy kasuhan tungod sa ilang pagpabaya sa ilang mga gagmay’ng kabataan? Duna na bay mga ginikanan nga nakasuhan tungod sa wa nilang pagtuman niining balaura?

* * *

Tungod sa nagkadaghang mga panghitabo diin nalambigit sa mga grabeng aksidente ang atong mga gagmay’ng bata, panahon na tingali nga ipatuman sa hingpit ang maong balaud ug ihapak kini ngadtos mga ginikanan nga nagpabaya sa ilang mga gagmay’ng kabataan.

* * *

TRIVIA -- Mangumusta kita sa atong mga higala ug magbabasa diha sa mga barangay Punta Princesa, Tisa ug Labangon. Daghang salamat sa inyong suporta.