Gisaulog sa nasud nga Pilipinhon ang adlaw sa pamumuo sa matag Mayo 1 sa matag tuig nga maoy hinungdan nga gideklarar ang maong adlaw sa kagamhanan nga walay trabaho sa pribado ug goberno nga mga buhatan isip pagtamod sa maong adlaw sa maong kasaulogan.
Daghan ang nag-ingon nga sa maong adlaw sa pagpahigayon sa maong kasaulogan maoy masinati dinhi sa nasud ang lainlaing kalihokan nga naglakip sa gihan-ay sa kagamhanan o mga labor group niini.
Ang pagpasiugda og local job fair nga natigayon pinaagi usab sa pag-abag sa mga dagkong opisyal sa lokal nga kagamhanan ug ingon man sa mga pribado nga buhatan.
Nunot sa maong adlaw nga pagsaulog sa adlaw sa pamuo adunay nag-ingon nga sa maong adlaw usab maoy pagpahungaw sa mga gibati sa mga mamumuo sa kahimtang sa ilang panarbaho ug sa pagpangayo og dugang usbaw sa suweldo.
Kini ang hinungdan nga ang maong adlaw sa kasaulogan sagad natong masinati ang pagpasiugda og mga rally o pagmartsa sa kadalanan alang sa pagpadayag sa mga mamumuo sa ilang mga yangungo sa paghatag og dugang usbaw sa ilang mga gidawat nga suweldo.
Daghan usab hinuon ang nag-ingon nga ang maong adlaw sa pagsaulog sa adlaw sa pamuo dili lang kini adlaw sa pagpadayag alang sa pagpangayo og dugang usab sa suweldo kun dili adlaw usab kini sa pagpahulay ug sa paglingawlingaw.
Kini ang hinungdan nga sa maong adlaw sa kasaulogan sa pamuo adunay mga pamilya nga pulos nagtrabaho ug sa maong adlaw lamang nagkahiusa sa pagpangaligo og dagat o pagkuyog og pangaon sa mga de kalidad nga mga kan-anan. (Romeo T. Limpangog)