Usa ka study kon pagtuon nga gihimo sa NORC Research Group sa Amerika mipakita nga ang mga katawhan sa Pilipinas maoy numero uno sa tibuok kalibutan nga mituo sa Ginoo.
* * *
Kini dili lisud nga tuohan gumikan sa kadaghanan kanatong Pilipinhon ang magdasok sa mga simbahan matag adlaw nga tingsimba.
* * *
Ug lain pang pruweba niini mao usab ang kadaghan sa mga pundok kon sekta ubos sa nagkalain-laing relihiyosong pundok gawas sa mga pundok Katoliko.
* * *
Ang El Shaddai ni Bro. Mike Velarde, ang Jesus is Lord ni Bro. Eddie Villanueva, mga nagkadaiyang Born Again groups, mga pundok sa Protestante, ang Dating Daan ni Bro. Ely Soriano, ang Iglesia ni Cristo, ug uban pa, bisan nagkadaiyang baruganan, pulos gihapon Ginoo ang gituohan.
* * *
Suma pa sa survey, ang misunod sa Pilipinas in terms of God believers mao ang nasud sa Chile ug dayon Estados Unidos. Ang mga nasud diin gamay ra ang mituo sa Dios mao ang Scandinavia ug mga nasud nga nahisakop kaniadto sa Soviet Union.
* * *
TRIVIA. Daghang salamat sa atong mga higala diha sa mga kwartel sa kapolisan gumikan sa ilang nagpadayong pagsuporta sa Banat News.