Mga praktikal nga konsiderasyon mahitungod sa haunted houses
Gikan sa Libro ni: Exorcism Encounters with the Paranormal and the Occult nga sinulat ni Fr. Jose Francisco Syquia, (pp. 238-240)
1. Kun ang balay nga imong balhinan ang napuy-an na, mahinungdanon kaayo nga sutaon una kun kinsa ang unang mga okupante niini.
2 Kun aduna kay pagduda sa maong balay hangyoa ang pari nga mag-ampo sa prayer of deliverance una ang pag-ampo sa panalangin kun blessing. Hinuon,dili kini siya matawag natong kasarangang pamaagi busa hangyoa ang maong pari.
3. Gikinahanglang mabendisyonan ang maong balay sa mas madaling panahon ug himoon usab ang pagkonsagar sa banay nga nagpuyo niini ngadto sa mahal nga kasingkasing ni Jesus ug putli uyamot nga kasingkasing ni Maria.
4. Hangyoa ang pari nga mohimo og bendita alang sa kagamitan sa panimalay. Himoang ritwal ang pagbendita sa panimalay ka usa sa semana uban ang pag-ampo ug pagtuo, pagbendita sa lawak sa dili ka pa matulog.
5. Gikinahanglang dunay mga relihiyosong mga imahen sa panimalay sama pananglit sa krusipiho sanglit, nagtimaan man kini nga ang maong balay, gipanag-iya sa Dios. Ibutang ang krusipiho sa matag pultahan/ganghaan.
6. Gisugyot ang makanunayong pag-ampo sa banay adlaw-adlaw. Mahinungdanon kaayo ang pag-ampo sa Santos nga Rosaryo.
7. Dili lang himoon ang pagbendisyon sa balay kondili ang pag-ampo usab ug pagpanalangin sa mga pari sa mga nagpuyo ning balaya.
8. Kun ugaling ang mga dautang espiritu ang mag magahi sa pagbiya sa maong dapit o balay, mahinungdanon nga himoon ang subling “Deliverance Prayers” aron papahawaon sila.
9. Kun ikaw nahimong abli sa “kalibutan sa mga espiritu” mahinungdanon kaayo nga magdala ka’g bendita kun ugaling matulog ka sa usa ka beach resort, o pension house. Si Francis McNutt nagkanayon: “People who are afflicted with evil spirits, seems to leave something behind in places they have visited.”
Ayaw gyud kalimot nga gamhanan kaayo ang pag-ampo busa himoa kining mahinungdanong kabahin sa imong kinabuhi.