Ang HIV- AIDS

Usa kini sa gikahadlokan nga sakit sa tibuok kalibutan. Sa atong kukalkulo, milyon ka milyon na ang nataptan niani. Milyones na usab ang nangamatay ning sakita. Sagad sa mataptan, ang makahunahuna na lang sa pagkutlo sa iyang kinabuhi. Kay hangtud karon padayong wa pay klaro nga mamaayo. Diha kadtoy pagtoon sa nasud nga Hapon, apan wa pa say piho sa ginaingong may nakita silang paglaum diha sa tanom nga mangagaw. Sa laktud wa pay tambal nga makaayo niani. Unsa may tilimad-on sa nataptan og HIV-AIDS?

Kalagmitan matud sa mga eksperto, kanunay nga kasukaon, kalibanga, daling maimpeksyon, kanunay nga gisip-on ug ubo. Tungod kay, nadaut na ang iyang immune system nga moprotihir sa panglawas. Magkahigos nga nangadaot na ang tanan niyang sistima sa internal organs.

   Bentaha na lang sumala sa mga pagdukiduki, mas mapalangan pa ning sakita, pinaagi sa pagdumala sa pagkaon. Kun nagduda mo nga morag anaa ka ani, ilabi nag nakig-sex sa mga kahilayan, patsek-ap dayon sa doctor, basin matabang pa. Makatakod kini busa ayaw pakigduwa sa asawa mo o sa uban.

 Hinoon kun konpirmadong may HIV-AIDS ka na, moapil kas kawsa o sa kahugpongan sa sama nimo aron mapugngan ang pagkatap ini sa katawhan. Ayaw pakawa sa paglaom, kay way imposible sa kahitas-an nga mohangyo.

 Busa aron gayud nga malikayan, magbinantayon nga di na masugamak sa paghimog butang nga makamahay tungod sa gidalit nga yutan-ong kalipay. Kalagmitan ra ba niadtong mawa na gani sa kaugalingon, mamahala na lang.