Pagpamalandong alang sa Malangkubong Kaayohan

Si Judas Iscariote ang niangal sa gibuhat ni Maria sa dihang iyang gibuboan si Jesus sa pahumot. Gigamit niya ang mga kabus aron ikabaligya unta ang maong pahumot og 300 ka denaryo. Iya kining gisulti, dili tungod sa panginahanglan niya kun dili tungod sa iyang hinakog nga tumong.

Daghang mga higayon nga kita dili matinud-anon sa atong kaugalingon, sa uban ug labaw na ngadto sa Dios. Ang uyok sa atong tinuig nga balansayon sa Semana Santa ang nag punting sa Diosnong kamatinud-anon.

Usisaha ang kaugalingon karong adlawa: Nagmatinud-anon ba ako?