Beterano

Ang pulong "veteran" naggikan sa latin nga pulong "Vetus" nga nagpasabot og tiguwang. 

Beterano sa binisaya kun lalaki, beterana kun babaye sa laing pagkasulti nanggungis na(Toink!/Aguy!)

(Diha kunoy tulo ka heneral Amerikano, Hapon ug Pinoy)

Amerikano: Soldier kill that person.

(Gipusil dayon sa sundalong amerkano patay)

Amerikano: See! that man is brave.

Hapon: Sorry but that's nothing to us. Private kill that person and kill yourself after.

(Gipusil sa hapon patay dayon nagpusil pud siya sa kaugalingon)

Hapon: See! that is the real brave soldier.

Pinoy: Look guys you see that Pilipino soldier up the tower. Hoy! sundalo lukso ug iuna ang imong ulo.

Sundalo: (Singgit) Unsa to Sir?

Pinoy: (Singgit) Lukso ug iuna ang imong ulo.

Sundalo: (Suko)Soloha Sir bahalag mataktak solohaaaa.

Pinoy: See guys! that is the bravest of them all musokol og heneral (Toink!) Hehehehehehehehehehehehehehehe!

Maghisgot gani og mga beterano nagpasabot ni sa mga tawong sakop sa militar o direktang nalambigit sa away militar nga maoy sagad ihulagway sa mga sundalo sa ikaduhang gubat sa kalibotan.

Apan sa ka larino gud natong mga bisaya gigamit na ang maong pulong sa bisan unsang aspeto sa kinabuhi nga may igong gidugayon sa kasinatian.

Sa pagtimaan sa ika 67 ka tuig nga pagtakas sa mga Amerikanong sundalo sa kabaybayonan sa Talisay akong nahinabi sa makadiyot ang tulo ka mga beterano sa gubat.

Sila si kanhi Colonel Lenardo "Nards" Abalo nga nagpanuigon na og 90 lumad nga taga Talisay, kanhi Private First Class Nestor Palconit, 87 anyos nga taga Leyte ug ang labing edaran nilang tulo nga si kanhi Sarhento Alfredo Alibuso Poncardas, 94 anyos taga Carcar, kanhi post commander.

Simple lang ang akong pangutana natagbaw ba sila sa programa sa gobiyerno alang nila?

Ang ilang tubag "wala".

Duna pay mga beterano nga hangtod karon wala pa makadawat sa hustong benepisyo. Dunay mga beterano nga wala hingpit makapahimos sa educational benefits nga gisaad niadto. Ug ning bag-o wala pa mahatag ang giingong kwarta gikan sa Estados Unidos. 

Pila lang ni sa ilang gihulagway nga kakuwangan sa gobiyerno nga angay unta ihatag sa mga binuhat nga nagpatulo sa ilang dugo ug andam nga ibuhis ang kaugalingon pagpanalipod sa kagawasan.

Tam-is man ang mga pulong pagdayeg nga ilang mabati gikan sa mga opisyal nga miila sa ilang bayanihong buhat apan mas madimdim unta nila ang katam-is kun ang maong mga pulong gikonbertir pa sa hingpit nga pagpatuman sa ilang kaayohan.

(Dihay beterano nihulagway sa kalisod sa kasinatian sa gubat)

Mano: Giatangan mi og 50 ka mga Hapon girakrakan mi.

Bitoy: Unya Lo unsay nahitabo.

Mano: Aw! patay ming tanan.

Bitoy: Unya Lo?

Mano: Bumangon pa bitaw sab mi og girakrakan pud namo sila ahh!!! patay pud silang tanan(Toink!/Ayay!) Estoryaheeeeeeeeeee. Hehehehehehehehehehehehe!

Mabuhi ang mga beterano!!!!!!!!!!!

(Emailad:[email protected].)