Ang samad

Kasagaran kun kita masamad ato gyud dayon ning tabunan og band-aid aron dili mahugaw. Apan kun atong tan-awon, ang band-aid usahay ang magdala naman hinuon og dugang kasakit ug infection kay lagi mabuot.

Mao nga mahinungdanon kaayo nga atong pasagdan una nga abli ang samad ug himuon ang naandang proseso nga moayo niini. Sama usab sa kinabuhi adunay mga higayon nga angayan natong gakson ang sakit kay pinaagi lamang sa pag-angkon sa atong kasamdanan, kita makaangkon og kaayohan. Ang samad sa pait nga kasinatian dili angay natong talikdan kay kun dili kini maayo padayon kining magbalik-balik.