Tsu-mali!

Piniriso sa BBRC nag-emote human sa linog.

Bitoy: Ang DepEd human sa linog nag-halfday

Mao sab ang mga Pag-ibig Fund employee

Ang tanan gipagawas sa mga dagkong building for safety

Dili ba angay sab nga pagawason una mi (Toink!)

Warden: Estoryaheeeeeeeeeeeeeeee!

Hehehehehehehehehehehehe!

Daghan ang nataranta sa sayop nga pahibalo sa tsunami human sa 6.9 magnitude nga linog nga nakaapektar pag-ayo sa probinsiya sa Negros Oriental.

Sa mga nahadlok sa sayop nga impormasyon walay laing labing importante gawas sa pagdangop og taas nga lugar maedipisyo man o bukid nga kahiklingan. Ang pangutana, mabasol ba ang naghinobrang kahadlok pagsiguro sa kaluwas?

Senyang: Dong Bitoy love jud ko nimo?

Bitoy: Sobra pa sa love day.

Senyang: Dili ko nimo pasagdan?

Bitoy: Dili gyud tika pasagdan day.

Senyang: Og dunay tsunami unsay imong buhaton?

Bitoy: Pangitaon gyud tika day aron mahatagan og desenteng lubong (Toink!/Aguy!). Hehehehehehehehehehehehe!

Kanus-a ba mahulma ang tsunami?

Ang linog ilawom sa dagat magduot og tone-tonelada nga bato uban sa dako kaayo nga pwersa. Ang kusog sa maong pwersa mobalhin sa tubig nga mudoot sa dagat paibabaw lapas sa iyang normal nga lebel ug ang kabug-at mopalihok sa dagat nga mopakaylap sa enerhiya pahigda hinungdan sa dagkong balod paingon sa baybayon.

Pag-umangkon sa among kauban sa DYAB Abante pa Bisaya Jenerica Vidad sa Lungsod sa Moalboal nakakita nga daw miulbo ang dagat sa wala pa gitahong misaka ang tubig sa baybayon sa lungsod. Posible nga dili kaayo kusog ang pwersa ilawom sa tubig hinungdan nga wala kini makahimo og dagko nga balod o ang gikahadlokang tsunami.

Og kun tinuod pa ang impormasyon nga ang tsunami niabot na sa Pasil siguradong dili makaabot sa Fuente ang mga nanagan gikan sa Colon.

Dili mabasol ang mga daling nataranta sa sayop nga impormasyon. Apan walay kalainan ang peligro sa makalilisang nga trahedya kun dili mapangitaan og paagi sa mga hingtungdang ahensiya ang katuhoan ug mas masabtan nga paagi sa pagpahibalo.  

Dihay managkumpareng hubog.

Bitoy: Pre unsay kalainan sa linog sa ilawom sa dagat ug sa mala?

Buloy: Walay kalainan pre oy.

Bitoy: Naa pre.

Buloy: Unsa man?

Bitoy: Og linog ilawom sa dagat ang mugawas tsu-nami pero og linog sa mala ang mugawas tsu-baby(Toink!/Ayay!) Hehehehehehehehehehehehehehe!

Na tsu-mali man ang tsunami nga gikahadlokan sa mga nataranta sa miaging Lunes dili malalis nga mas bastante ang nahitabo kay sa natinood ang iresponsabling pahibalo.

Apan kun ang maong kasinatian palabyon lang sa kagamhanan mahimong dunay makalilisang nga panghitabo mugna sa sayop nga impormasyon o mas daghan ang maalaot kun magduhaduha na sa tinud-anay nga abiso.

(emailad:[email protected])