Negosyo ang boxing

Ang mga hunahuna nga gipadayag dinhi iya ra sa tagsulat ug walay labot ang Banat News ug mga sakop niini.

Tungod sa dili maayo nga labok ni Manny Pacquiao ngadto kang Juan Manuel Marquez atol sa ilang trilogy niadtong Nobiyembre 12, 2011, daghan ang nagduda sa iyang kadaugan.

Wala kita masayod nga ang maong talan-awon drama ra diay. Tingali, makadaghan na kamo makakita og usa ka boxing champion nga mokalit la’g kahapla bisan og wala maigo sa kinumo sa kontra.

Tingali nahinumdom pa kamo sa away ni Jerry Peñalosa batok sa usa ka Thai nga mikalit lang og katumba bisan kun ang kumo ni Jerry layo ra sa iyang apapangig.

Tungod kay negosyo man, ang mga promoters sa boxing maninguha gayod sa pag-promote sa away sa ilang mga batos sa tibuok kalibotan aron ilang mabawi ang ilang puhonan.

Of course, mogamit sila sa bisan unsa nga gimmick aron sa pagdani sa mga boxing fans. Sama niining ilang gibalikbalik nga mga pulong. “Giila ni Pacquiao nga ang iyang pagpakig-away ni Mayweather maoy labing dakong away sa iyang boxing career.”

Nalimot sila nga ang maong mensahe mao pud diay ang ilang gigamit sa diha nga si Pacquiao miaway kang Barrera, Morales, Marquez, Mosley, Margarito ug uban pa.