Ang pagpakabana

Atong kutloon unsa kining R.A. No. 7432: “An Act to maximize the contribution of senior citizens to nation building.” Usa ka dakung hagit alang sa mga senior citizens. Sa ato pa, gi-acknowledge sa gobyerno ang mahimo ug kun unsa ang ikatampo sa mga senior citizens pag-ugmad sa atong nasud.

Usa sa dakung tumong ning maong balaud, mao ang pag-“motivate and encourage the senior citizens to contribute to nation building.” Unya ang Constitution nagkanayon: “It is the duty of the family to take care of its elderly members while the State may design programs of social security for them.” 

Atong makita dinhi ang pagpakabana sa gobyerno sa kahimtang sa mga senior citizens, sa ato pa, wala kita pasagdi. Apan, sa atong bahin, nag-unsa man ta? Unsa may atong ikatampo alang sa pagpauswag sa atong nasud? Duna pa ba gyud tay mahimo?

In return, gikinahanglan usab ang atong pagpakabana … ang pagpanginlabot sa mga affairs sa kagamhanan. Dili kay mangiyugpos na lang ta, kaylagi, senior citizens na, kundili, let’s still get involved, sa bisan unsa ka gamay nga atong ikatampo, alang sa kaayohan sa uban.  

Sa iyang research work, si Dodo Delmo, livelihood projects coordinator sa FSCAP, Cebu City Chapter, mikutlo ning mosunod: “Nearly 2,400 years ago, Plato warned that the punishment of wise men who refuse to take part in the affairs of government is to live under the government of unwise men.” 

Tinuod. And perhaps, tungod kay ang mga “wise men,” nga lagmit usa ikaw niini, wala magpakabana, gidumala kita karon sa mga ugok. Mga wise unta, mga utokan, apan dunay kuwang ug something is wrong somewhere …hinungdan nga wala gayud mouswag ang atong nasud. Are we being punished now, tungod sa atong kapakyas pagpakabana ug pagpanginlabot? 

Mipadayon si Dodo: “It was Edmund Burke who said that the only thing necessary for the triumph of evil is that good men do nothing.” Tinuod sad. Tungod sa atong indifference, sa wala natoy pagpakabana, sa mga Tagalog pa, “walang paki,” nakapatuyang ang mga balhibuon og utok sa dautan nilang mga buhat.

Matud pa usab ni Dodo nga “Good government starts with you.” Mao ni ang atong gibalikbalik dinhi nga kun unsa karon ang atong nasud, kita ray nakaingon niining tanan, tungod kay ubos man kita sa pangagamhanang gawasnon … diin ikaw ug ako maoy gamhanan ug maoy magbuot sa tanan kun mag-unsa ang atong gobyerno. Mao kini ang essence sa demokrasya.

Unsaon man tuod nato pag-maximize sa atong contribution pagpalambo sa atong nasud kun dili kita magpakabana?

 Meanwhle, paminaw ug interact sa Senior Citizens Hour, DYRC, 648 kHz, 4:00-6:00pm, tels. 4125249, 2388173.