Ang adlaw sa minatay

Ang Adlaw sa Minatay o Kalag-Kalag saulogon sa tibuok kalibotan ugma uban sa mga seremonyas sa paghalad og    mga pag-ampo sa mga minatay.

Ang paghalad og mga buwak, pagkaon, ilimnon sa mga lubnganan maoy gipangandaman pag-ayo sa kadaghanan.

Kini tungod sa pagtuo nga ang kalag sa namatay nilang mga minahal sa kinabuhi moila pa sa gibuhat sa mga buhi ngadto kanila.

Kining maong pagtulun-an nga gitudlo ug gipasiugdahan sa tawo daan nang gihimadlan sa Dios nga maoy labing hatagan og dakong bili sa katawhan sa yuta .

Kay ang tinuod, ang Dios maoy nagbuhat sa tawo ug siya mismo maoy nasayud unsa ang katibuk-an sa tawo.

Pinaagi sa Biblia gipahibawo sa Dios nga adunay tulo ka parti ang tawo nga mao ang lawas, kalag ug espiritu.

Gitudlo sa Dios nga ang tawo mamatay, ug inigkamatay niini mamatay usab ang iyang kalag ug ang lawas .

Apan ang espiritu nga maoy kinabuhi o gininhawa sa tawo mobalik ngadto Kaniya nga maoy nagbuhat sa tawo.

Sa Biblia gitudlo usab sa Dios nga ang tawong patay wala nay mahimo bisan unsang butanga .

 Ang kinutuban sa maayo ug di maayo niyang kapalaran ugma damlag kutob ra   sa pagkabugto sa iyang gininhawa.

Sa pagbalik ni Kristo igo ra Kining mohatag og hukom kun mabuhi ba ang minatay alang sa langit o kaha ngadto sa impiyerno.

Ug ang pagsaka sa langit usa ka butang trabahuonon sa tawo samtang buhi pa siya, ug kay si Kristo may manluluwas mintras buhi pa, angayan sa tawo nga magsusi sa mga paagi ilabi na nga si Kristo tua ra ba karon sa langit. Di ba?