Sa katapusang yugto nilang Jack ug Rose
Usa ka kulbahinam nga hitabo sa kinabuhi nila ni Jack ug Rose sa salidang Titanic mao kadtong si Jack nga gigapos ang buhian ni Rose ginamit ang atsa. Usa sa maayong pulong ang giluwatan. I trust you! Matud pa ni Jack ngadto sa iyang hinigugma nga nagdala og atsa.
Ang pagsalig kon trust ang gikinahanglan kaayo aron mamahimong mas motunhay ug molungtad ang bisan unsang relasyon o panagsuod. Sa atong kasinatian uban sa Dios pananglitan, mamahimong mas duol siya alang kanimo kun ikaw masaligon kaayo nga Siya dili gyud magpasagad ni mobiya kanimo.
Ang kinabuhi maayo ug puno sa kahulogan. Apan usahay dunay mga higayon nga mawala ang iyang kaanyag gumikan sa mga tawo nga dili maantigong mohatag sa pagsalig o dili ba kaha moguba sa pagsalig nga gihatag kanila. Kay sa matag higayon nga mosulod na ang pagduda ug ang tinguha nga makaisa sa lain. Sinugdanan na kini sa pagkagun-ob sa bisan unsang relasyon.