Matag gutlo kahigayonan sa paglambo

“Sa dihang gipangutana ang usa ka nuebentay singko anyos nga lalaki ug naila nga usa ka bantugang mamamana kun nganong sa iya lang gihapong pangedaron, mogahin gihapon siya’g unom ka oras matag adlaw aron sa pagbansay. Ang maong tiguwang igo lang mitubag: “Nagbansay ko tungod kay akong nakita nga molambo pa gyud ko.”

Ang matag gutlo sa atong kinabuhi maoy mga kahigayonan sa paghimo og ginagmay apan makanunayong kalambuan. Sama sa atong kinabuhing Espirituhanon, ang Dios wala magpaabot nga mohimo kita og dili kasarangang mga kalampusan nga pagaubanan og mga walay kinutobang pag-angal. Hinunoa, gitawag kita nga mohimo og mga yanong mga buhat nga dunay dili kasarangang paghigugma. Mao nga ang matag gutlo kahigayonan gyud sa paglambo.