Si Gracito (dili niya tinuod nga ngalan) natawo nga may pagka babayen-on. Dihang nagtungha na siya, nadebelop na gyud ang iyang pagka-bayot ug kanunay siya nga sugsugon sa iyang mga klasmet.
* * *
Ang iyang mama kanunay nga mag-ampo sa Ginoo nga himoong tunay kun hingpit nga lalaki si Gracito apan matud niya wala tubaga ang iyang pangaliya.
* * *
Karon hamtong na si Gracito ug tua sa Amerika nagpuyo diin duna siya usa ka luho nga beauty salon ug diin ang iyang mama maoy kaabag niya sa pagpadagan sa iyang beauty shop.
* * *
Dunay lima ka batid nga beautician si Gracito nga maoy moatiman sa mga sikat nga suki sa iyang salon.
* * *
De-kotse na si Gracito ug mao sab ang iyang mama. Sa usa kuno ka private dinner ni Gracito, iyang mama, ug pipila ka sakop sa pamilya, si Gracito nakasulti kang mama dear:
* * *
“Tan-awa, ma, kun gitubag pa ang imong pangaliya nga himoon ako usa ka real man, labandera ka pa gihapon didto sa atua.”
* * *
Si Gracito ulitawo pa hangtud karon ug kini wala ikahibulong sa mga nakaila kaniya dinhi sa Sugbo.
* * *
TRIVIA ... Maayong buntag sa atong mga higala diha sa San Fernando, Sugbo, lakip na ang mga tindera diha sa merkado sa lungsod. Salamat sa inyong suporta sa Banat News.