Sa dakong panginahanglan

Bisan kinsa man tingali ang mabutang sa kahimtang sa maong babaye nga Canaanhon ang magpakiluoy tungod ug alang sa iyang anak nga gihigugma pag-ayo. Ang Tiro ug Sidon, pinuy-anan sa mga pagano. Ang bisan unsang pagano ang dili gyud mahimong mahiusa sa bisan unsang Judio. Ang unang pagdumili ni Jesus maoy sugo sa naandang han-ay sa kultura ug sa paril nga miali tali kanilang duha. Apan ang mahangyoon ug malaumong pagsalig sa babaye ang nakahikap sa kasingkasing niya nga mohimo sa milagro alang sa maong babaye bisan pa man sa iyang pagkasiya.

Ang Dios wala’y pili diha sa paghatag niya sa iyang kaayohan. Dili sama kanatong mga tawo nga dunay bias sa atong isigkaingon. Kun wala nato mauyoni, dili gani kita maantigong mobakyaw sa atong mga kamot aron motabang. Kun dili na gani kita ganahan, ato na lang isalindot sa daplin kay lagi, dili kita buot nga mahasol. Apan lahi ang Dios, mao nga angay lamang nga diha sa dakong panginahanglan, dili kita magduha-duha sa pagduol kaniya nga maantigong maminaw sa atong mga yangungo.