Ang bagang duot sa mga tawo

Kun dunay mga mahinungdanong okasyon, magduot pud ang mga tawo nga mopunsisok. Dagkong bahakhak ang imong madungog. Daw sa magisi ang mga baba og pagngisi kanila nga mahinangpong nitan-aw sa mga gag shows aron hulipan ang kahaw-ang nga nasinati gumikan sa pagtaliwan sa mahinungdanong bahin sa imong pagkatawo nga ginganlan mo og gugma.

Dili sa tanang higayon nga kay baga ang duot sa mga tawo ang dapit pagaisipon nang salag sa kalipay ug hudyaka. Kay bisan pa man kun baga ang duot sa mga tawo wala kini magpasabot og pakiglambigit. Hinuon, kahigayonan kini sa usa ka makahuloganong pakiglambigit.

Mao nga karon nahimong kabahin sa akong plano, nga dili sa tanang higayon mosagol sa bagang duot sa mga tawo aron panghinauton nga mapuno ang haw-ang sa kaugalingon. Mahinungdanon ug mas tawhanon usahay ang pag-inusara kay sa mosagol sa daghang mga tawo apan dili diay gihapon makahuloganon ang maong pakigtagbo.