Sa dihang imong gisangpit

Si Romeo ang sa kalit lang gibungolan sa iyang hinigugma. Halos dili siya makalihok sa iyang inadlaw nga buhat. Sa laktod, daw sa mabuang siya. Kini kay ang iyang kinabuhi ang nakasentro man sa iyang hinigugma. Sa kalit lang, kini wala na magtagad kaniya. Daw haw-ang ang iyang kinabuhi. Apan luyo sa maong trahedya adunay nindot nga resulta ug kini mao ang pagkakita niya sa iyang tinuod nga siya.

Daghan kanato ang mahiligon sa distractions aron dili kaayo kita makapokus. Kay diha usahay sa pagpokus anaa ang sakit nga kasinatian. Daghan ang nagkinahanglan og diversions. Daghan kanato ang nagkinahanglan og bag-ong kasinatian aron atong makita ang tinud-anay nga bili sa atong kaugalingon. Usahay ang akto sa pagpakaluoy maoy makapahimo sa tawo nga usa ka biktima ug ang gisangpit ang daw nigawas nga gamhanan kay gikinahanglan man siya sa biktima. Mao nga daw sa ma-paranoid si Romeo sa maong hitabo. Dili ug dili siya makatuo. Kini kay siya nahilansang man gyud sa iyang gugma kang Juliet.

Mao nga ako, nia, naningkamot nga momata og sayo aron mag-jogging, mogahin og igong panahon sa pag tennis, pag-badminton, pagtuon, pag-ampo ug pagpamalandong kay nahadlok ako nga sa dili madugay mahisama ako ni Romeo kang kansang turnilyo sa hunahuna ug kasingkasing motuyok daw kasing.