Ang tawhanong misyon

MGA LAMAS SA KINABUHI

Pagpamalandong alang sa Malangkubong Kaayohan

Matud pa ni John Monbourquette sa iyang libro: How to discover your personal mission p.7: “The term Mission refers to an orientation towards some societal action that is inscribed in each person’s soul.” (Ang misyon nagpunting sa usa ka katilingbanong lihok nga napatik sa matag tawo). Ang pulong misyon adunay kalambigitan pud sa pulong Bokasyon (Gikan sa linatin nga Vocatus nga nagpasabot og tawag diin ang tawo nahimong mapatalinghugon sa usa ka awhag o pagtawag. Ingon man aduna kini kalambigitan usab sa pulong Panlantaw o Vision. Ang pangutana mao: “Unsa man gyud ang imong gusto sa imong kinabuhi?” Daghan kanato ang hapit na lang mamatay apan wala pa gihapon makasugod og pagkinabuhi kini tungod kay wala pa man masayod pud sa atong misyon ug tumong sa kinabuhi. Ang tawo nga dunay misyon mao ang tawo usab nga dunay direksiyon. Ang tawo nga wala masayod sa iyang misyon o dili ba nibalibad niini ang tawong magpabiling latagaw sa iyang kinabuhi.