Kahinumdom ko usa sa among kauban, gipadala ngadto sa Malaysia aron pagtambong og seminar may kalabutan sa public information. This was in the 80s sa diha pa mi sa Department of Public Information, under ni Regional Director Godo Roperos. Sa iyang pag-uli, nagdaa siyag closed to 80 pages nga newspaper sa Malaysia. Ang banner headline, bahin sa usa ka public library nga bag-ong giinagurahan. Kauban sa front page mga item bahin sa environment, patigayon ug mga proyekto sa gobyerno.
Ang mga police stories, crime, violence ug mga katalagman, gilubong sa mga inside pages. Akong gipakita ang kopya sa usa ka editor sa local daily ug matud niya : ‘Kun mao ni atong buhaton dinhi, Lin, walay mopalit og newspaper.’ Gani matud niya, ila kining gisuwayan, mihinay ang halin sa ilang mantalaan.
Sa ato pa, mao ni ang gusto sa Pinoy. Ganahan kaayo tang mobasa sa mga balita bahin sa panglugos, patay, corruption, kihaay, mga sex adventures. Maoy hinungdan, ngil-ad kaayo ang atong nasud, kun sa mga front pages lang sa mga newspaper ang atong basahon.
Mao ni ang giingon nga news gani, bad gyud, otherwise, kun good, dili news at all. Apan, niay pipila ka good news napatik sa inside pages sa usa ka mantalaan, usa lang ka adlaw, ambut ganahan ba mo: “Cebu Energy, NGCP projects OKd.. Firms seen to benefit from tourism boom. Phl-Japan venture pushes P6B energy project.
Korean firm to invest $160M in 2 solar power plants in Phl. Pinoy crowned world’s top model. BPI sees Phl economy growing 5.4% this year. RCBC to open 20 branches this year. Securiy Bank cited by Asiamony, as among Asia’s best managed bank. Metrobank power unit seals 25-year supply deal.
Di ba nindot kaayo ning mga balitaa? Nagpasabot nga dili kaayo as ngil-ad sumaa sa atong mabasa sa mga front pages. Unya, untro pod ang pipila sa atong mga newscaster ug broadcast commentator, ang mga bad news ra goy ilang kutloon, mag-una sa ilang mga balita ug komentaryo ang police blotter ug ubang mga dautang mga panghitabo sa palibot.
Ngano man ni, mga sadest ta?
* * *
Nia pa: Ang PLDT, in a joint venture, uban sa NTT Communications sa Japan, StarHub sa Singapore, ug Telekom Malaysia, mo-instasll, og submarine cable balig 430 milyones ka dolyar dinhi sa Asia-Pacific region, nga mo-connect sa Internet sa mga nasud dinhi sa Asia.
Ang 7,200 kilometer nga Asia Submarine Cable Express, mo-link sa Japan, Pilipinas, Hong Kong, Singapore, Malaysia, possible China, ug ubang mga Southeast Asian countries.
Ang system, maka-inter connect unya kanato ngadto sa Europe, Middle East, Amerika, ug ubang bahin sa Asia.
Di ba nindot ni nga balita? Nganong di man ka mo-appreciate ini? Kana man gyung rape, murder, ug mga violent news ang imong pangitaon? Hangtud hinoon, di na ka ganahan sa atong nasod.
Pagtak-op sa fire prevention month
Ni FO1 WENDELL C. VILLANUEVA, BFP
Pormal nang gitak-opan ang tibuok buwan nga pag-obserbar sa Fire Prevention Month 2011. Ang maong culminating activity gihimo sa Peoples Hall sa Talisay City Hall nga gitambongan sa tanang mga kadagkoan sa Bureau of Fire Protection Region 7 pinanguluhan ni SR. SUPT. MA. LUISA C. HADJULA,MM kinsa maoy Regional Director sa BFP 7. Mitambong usab ang mga Provincial, District, City ug Municipal fire marshals lukop Central Visayas. Ang nahimong pinasidunggang dinapit mao si Undersecretary Rico E. Puno sa Department of the Interior and Local Government. Lakip sa piniling dinapit sa maong programa si Kongresista Eduardo R. Gullas sa 1st District sa Probinsiya sa Sugbo.
Usa sa mga highlights sa maong programa ug agi og pasalamat gihimo ang pagpanghatag sa plaque of appreciation sa nagkalainlaing local chief executives nga mipakita og dakong suporta sa BFP 7 pinaagi sa pag-abag sa tanang mga panginahanglanon sa atong kabomberohan sa ilang lugar.
Gihatagan usab og mga premyo ang mga mananaog sa gipahigayon nga fire olympics. Sa kinatibuk-an, nagmalamposon ang tanang mga programa nga gipahigayon sa BFP 7 gikan sa pormal nga pag-open niini niadtong Marso 1, ang pagpahigayon sa labing unang BFP FUN RUN, Fire Olympics ug hangtod na sa pagtaklop sa tibuok buwan nga pag obserbar.
Sa tanan nga nagpakabana pinaagi sa pagpanginlabot sa among mga activities, daghang salamat sa inyong suporta ug sa inyong mainiton nga pagtubag sa among imbitasyon.
Gani kun atong tan-awon ang mga datos sa among buhatan tataw kaayo ang pagkunhod sa fire incident karong Marso 2011 kun atong itandi sa milabay nga tuig. Kini nagpasabot lamang nga sobsob ang kampanya sa inyong kabomberohan sa fire prevention programs nga gipatuman niini.
Kun ubos gani ang insidente sa sunog nagpasabot lamang kini og usa ka epektibo nga fire safety awareness campaign labi na gayud og dunay pagpakabana sa publiko.Ang tanang mga programa sa inyong kabomberuhan mamahimong walay bili kon dili kini hatagan og igong importansya sa publiko.
Sa ato pa, kay duna may dakong pagkunhod sa fire incidents maka ingon na kita nga ang inyong kabomberuhan nagmalampuson. Hinaut nga kining maong plastada magpadayon aron sa maong paagi hingpit kitang luwas sa sunog.
Sa katapusan akong pasalamatan akong mga kauban sa buhat hilabi na gayud ngadto sa mga members sa BFP FUN RUN working committee. Bisan sa kamubo sa higayon nga gihatag kanamo sa pagprepara nakahimo gihapon kami paglampos.
Sa mga working carabaos nga sila INSP. HARRY ABELLANA, SFO3 Allih Espinola, SFO3 Wowie Abellana,FO3 Edgar Argomido, FO2 Joann Dayapdapan, FO2 Toto Gallano, FO1 Marsha Abellana, FO1 Eileen Bermudo, FO1 Jovic Abarquez, FO1 Pepe Hermosada, NUP Arvin Savellon ug ngadto usab sa among kadagkoan nga si SUPT. ESMAEL CODILLA ug SUPT. VICTOR VIBARES nga aktibo usab kaayo sa maong kalihokan ug sa tanan nga mipaambit sa ilang matinabangong bukton aron mahimong magmalamposon ang maong labing unang fun run. Daghang salamat kaninyong tanan.