Paglipay sa kaugalingon

Ang tawo, gumikan sa atong kahakog, maniguro lang ta sa atong kaugalingon, sa walay pagtan-aw nga wala kita mag-inusara ning kalibutan. Sa giingon pa: no man is an island. Apan, ang tawo gumikan lagi sa atong kahakog, mahikalimot kita sa atong mga silingan ug mag-iyahay kita’g paningkamot pagkab-ut sa kalipay.

Ug tungod lagi kay temporaryo lamang kining kalibutan nga gipapuy-an kanato sa atong Magbubuhat, ug sa gusto kita’g sa dili, lumalabay lang ang tanan, lakip ang gipaningkamotan natong kalipay, dili gayud nato makab-ot ang tiunay nga kalipay kaylagi, ang atong final destination, dili man kining kalibutana.

Ug kun makapalipay kita sa uban, usa na kini ka langitnong kalipay. Ug mao kini ang hingpit nga kalipay dinhi ning kalibutan.

Matud pa ni Kuya Boy Odilao, ang kugihan kaayong magtampohan ning atong lindog: The beauty of life does not depend on how happy you are, but how happy others can be because of you.

Nindot kaayo. Nakasuway ka ini, Dro? Di ba mas ma-feel nimo ang tumang kalipay kun makapalipay ka sa uban, kay sa hinakog ug sa personal mong kalipay?

Mao kini ang hinungdan nga dili gayud nato mapitol ang graft and corruption sa atong nasud, tungod kay lagi dili man makatagbaw ang bahandi nga pinaspasan. Ug samtang, buot kang maglipay, sa samang higayon imong gihikawan ang uban sa mga butang nga ila untang ikalipay. Mao nga padayon ang kahirapan, kasi mahirap ang pagbuntog sa corruption.

Anyway niay lain gikan gihapon ni Kuya Boy: When challenges are so big that we feel our strength is not enough to carry them, keep on going. The extra mile is where the grace of God begins.

Bitaw, gumikan kaha sa kabug-at na sa mga suliran nga atong gipas-an, makalimot ta nga dunay Ginoo nga motabang kanato pagpagaan niini. Apan, una sa tanan, di gyud ta mo-give up, ug isangon na lang nato ang tanan ngadto sa Ginoo, ug Siya na lang ang papas-anon sa atong mga suliran. Moy gidangat.

Ug aniay alang sa atong kahigalaan: Cherish the people who knows & understands you completely, those who gets to know how you feel and accepts who you are. Because in every event that you are lost yourself, they are the ones who know how to find them.

Ang pag-ampo alang karong adlawa – ug sa tanang adlaw sa atong kinabuhi: Lord God, let me judge this day not by the harvest I reap, but by the seeds I plant, so you will judge my life not by the days I have lived, but by the good deeds I have done.

Kun mao kini ang inadlaw nga pag-ampo natong tanan, ug kun ato kining buhaton, kaminosan tingali ang graft and corruption, ug lagmit, mapitol pa sa hingpit, kaylagi, labing seguro dili man maisip nga good deeds kining pagpangurakot.

Ang pagpangawkaw sa salapi sa lungsod, maisip nga nag-harvest ka sa mga abut nga dili imo. Inig-abut sa panahon, inigpakanaug na sa katapusang hukom, unsa man ?

Salamat Kuya Boy, for the reflections.