Ang milo ug ang kamelyo

[email protected].

Ang milo mahadlokon kaayo nga molabang sa usa ka suba. Iyang gihangyo ang kamelyo nga pasakyon siya niini sa pasalig nga iya siyang giyahan kun asa dapit nahimutang ang mga matam-is nga tubo. Nagkalingaw og kaon ang milo sa mga kasag samtang ang kamelyo sa mga tubo. Unya mikalit og uwang ang maong milo butang nga nakapahatag og igong pagtagad sa mga mag-uuma nga mibunal sa kamelyo nga ilang nasakpang nagkaon sa tubo samtang ang milo dali ra nakatago. Sa dihang milabang na sila sa maong suba ang kamelyo nangutana kun nganong gibuhat kini sa milo. Ang milo mitubag: “Batasan man gud nako nga mouwang basta mabusog. “Ang kamelyo sa kalit miubog sa tubig nga nakapalisang pag-ayo sa milo dungan ang pag-ingon: “Batasan usab nako ang moubog sa tubig kun mabusog na!”

Pamalandong

Kun unsa ang imong gitanom mao usab ang imong anihon.

Ang milo mahadlokon kaayo nga molabang sa usa ka suba. Iyang gihangyo ang kamelyo nga pasakyon siya niini sa pasalig nga iya siyang giyahan kun asa dapit nahimutang ang mga matam-is nga tubo.