Nahimong debate nilang Brad ug Sis kun nganong magbinuotan gyud ang tawo. Ang tubag ni Sis mao nga aron kuno malangit ug makalikay sa impiyerno. Si Brad ang mikomento: “Daw sama ra nga giulog-ulogan mo ang Ginoo.” Butang nga gikasuko ni Sis.
PAMALANDONG
Ang paghimo og bisan unsang maayo ang wala magkinahanglan nga pagabaslan pa. Kun magmatinumanon ka sa balaod sa Dios kini tungod kay gihigugma mo siya ug wala nay lain pang mahinungdanong rason gawas ana.