Unwanted pregnancies, unwanted babies!

Mao na kini karon ang mga panghitabo sa kalibutan. Maoy gusto sa tawo ang kalipay, apan, di gustong mosagubang sa mga kaakohan tapus sa kalipay.

Maoy gusto sa tawo karon ang pagpatuyang sa lawasnong mga kahinam: sex dinhi, sex didto, apan molikay sa mga circumstances pag-atubang sa mga bunga sa pakighilawas.

Apan, ang kalibutan, tungod kay matud pa, kinahanglan, hatagan og hingpit nga kagawasan ang tawo, kinahanglan dili pugngan nga maglipay, kinahanglan mangitag mga paagi nga makapatuyang pagdimdim sa kalipay sa sex … ug eureeka .. condom, abortion, ug artificial birth control.

Mao kini ang giimbinto sa tawo, aron kalikayan ang mga dautang epekto sa unwanted pregnancies, unwanted babies.

Ug tungod kay usahay, dili man kini, at all times, moepekto, iniggawas intawon sa bata, ilabay na lang.

Ang DSWD nagkanayon nga ordinaryo na kini nga panghitabo sa atong nasud karon. Dili kay sa mga salida lang sa sine. Bisag dinhi sa atong dapit, daghan nang mga pagpanglabay sa mga unwanted babies.

Ug atong gikasubo, nga ang uban natong mga magbabalaud, gusto nga ma-legalize ang abortion, aron makapatuyang na ang mga batan-on sa lawasnong mga kahinam, ug wala na sila’y tulobagon sa balaud sa tawo kun ilang patyon ang ilang gisabak.

Unya, ang uban usab natong mga lider, mi-encourage paggamit sa condom, aron makapatuyang pagpakighilawas, sama sa mga iring ug iro, ug walay mahimong obligasyon tapus sa kalipay.

Sa ato pa, kun ikaw usa ka ginikanan, dili nimo badlongon ang inyong mga anak pag-indulge in pre-marital sex tungod kay anaa may condom ug legal nga abortion unya, nga manalipod sa inyong mga anak. Mao na ba kini karon ang atong mga ginikanan, mga so-called modern parents?

Mao ba kini ang hinungdan ngano nga ang ato karong mga modern youth, lakip ang kababayen-an, maayo na kaayong moyupyop og sigarilyo, kusog na kaayong mo lala og mga ilimnon nga makahubog, ug dili makatiwas pag-eskwela kay namabdos ug nakapamabdos?

Ang nahitabo kang Baby George nga gianak sulod sa eroplano, during a 12-hour internartional flight to Manila, ug gilabay sulod sa trash bag, naghulagway sa maayo nang pagka-tuwagi sa atong moral values, hangtud nga mo-resort na lang sa pagpatay sa inosenting bata. Ug ang nakadugang sa kayawan-on niini, kay ang solusyon sa uban natong mga magbabalaud, mao ang pag-legalize sa pagpatay sa bata, ilang ginganlan og legal abortion, dili legal murder.

Pastilan, naunsa na man ta ini, Dro?