World Bank motabang sa Pilipinas

Sama sa nangaging administrasyon, priority sa karon nga pamunoan ni Noynoy ang pagwagtang sa kawad-on. Ang nangaging Presidente sa ilang mga inaugural addresses mi-declare og war against poverty.

Sa ato pa, kining pakigbisog karon ni Noynoy pagwagtang sa kawad-on dili kini bag-o. Ug atong nakita nga ang tanang previous Presidents pulos pakyas pagbuntog sa kawad-on. Pilde sa gubat batok sa kawad-on.

Maoy hinungdan nga gawas nga nagpabilin ang kakabus ug kagutom sa Pinoy, misamot kini. Miumento ang kawad-on ug midaghan ang gigutom.

Ngano man? Kini tungod kay nagkagrabe usab ang corruption. Hinungdan nga tungod kay walay Presidente, lakip si Cory, ang nakasanta sa corruption, nagpabilin ug misiaw ang kawad-on.

Dinhi namugna ang campaign battle cry ni Noynoy: kung walang corrupt, walang mahirap. Hinayhinay na kini karong gisugdan ni Noynoy ang pagpakiggubat sa kawad-on. Ang nakadaut lang kay usa unta sa makatabang pagbatok sa corruption mao ang Truth Commission apan, wala pa gani kini makalihok gidaot na kini nga buot nang pakyason sa uban. 

Dili sila buot nga magmalampuson ang Truth Commission. Sa ato pa, dili sila buot nga masanta ang corruption. Kun mapakyas ang Commission pagkyas usab ang pagsanta sa corruption, ug padayon ang kawad-on. In the meantime, maghuwat na lang pod ta sa sunod nga Presidential election. Kapoy no?

Anyway, niay maayong balita. Ang World Bank, giingon nga committed sila pagtabang sa poverty-reduction program sa Noynoy administration. Nindot. Hinaut nga mahinayon gyud ni. Nagpasabot kini nga misalig sila sa pamunoan ni Noynoy.

Si Jim Adams, vice president sa World Bank for Asia and the Pacific, miduaw sa Pilipinas, duha ka adlaw, aron pagpakigkita ni Presidente Noynoy ug ubang kadagkuan sa nasud, aron pagpangitag mga paagi unsaon pagtabang sa World Bank sa mga programa ni Noynoy, ilabina ang bahin sa pagpakunhod sa kawad-on sa nasud.

Matud ni Adams: “Our country assistance strategy for the Philippines is very much aligned with the President’s platform and we are looking forward to supporting the administration in realizing its objectives.”

Mao kini ang mahitabo kun mosalig kanato ang ubang nasud. Ug nakita sa World Bank ang kamatinud-anon ni Noynoy, hinungdan nga wala sila magpanuko pagtunol sa ilang tabang. Hinoon ilang seguroon nga kun unsa man ang ilang matabang, kinahanglan makadangat kini ngadto sa mga kabus. Kay sa una gong mga panahon, ang giingon nga pag-uswag sa ekonomiya sa nasud, wala man ma-felt ug wala matagamtami sa mga kabus. Sa iyang bahin, si Bert Hofman, WB country director, nagkanayon nga similar programs implemented in other countries proved effective … the World Bank its willing to lend to the Philippine government to boost its funding for such programs.

Nindot. Kun atong kalikayan ang pangurakot, seguro gayud nga makatagamtam kita sa maong mga assistance gikan sa World Bank, So, magbinuotan na ta uy!