AGOSTO 1, 2010: Ika-napulo'g-walo nga Domingo sulod sa tuig

Sud-onga ang mga butang lumalabay ginamit ang mga Espirituhanong mga mata

Kaniadto, ang si bisan kinsa nga dunay problema ang moduol gyud sa usa ka rabbi o magtutudlo aron magpatambag. Ang atong Ginoo mao ang giduol sa maong tawo kay lagi, naproblema sa bahandi. Ang atong Ginoo nga nasayod sa linugdangan kun ugaling mohimo siya og parsiyal nga paghukom ang magbutang kaniya sa alanganin. (Nga sa ato pa, siya ang mahimong kalagutan sa masigkahabig). Mao nga gigamit niya ang sambingay sa dato nga buangbuang aron pagpasabot nga sa kalibutan ang mga bahandi lumalabay lamang ug dili makaluwas kanato gikan sa kamatayon. Nga sa ato pa, kawang lamang ang tanan.

Sud-onga ang mga butang lumalabay ginamit ang mga Espirituhanong mga mata

Nga sa ato pa kita gihagit sa atong Ginoo ning mosunod:

1. Ang pag-amgo nga dili dautan ang paghupot og mga kabtangan apan, dili sila himuong hulip sa dapit sa Dios.

2. Dili nato himuong uliponon ang atong kaugalingon sa bisan unsa nga lumalabay lamang. Dili kita ang mag-alagad kanila kondili sila ang mag-alagad alang sa kaluwasan natong mga tawo (pisikal man o espirituwal)

3. Ang paggamit nila alang sa kahimayaan sa Dios ug sa kaalagaran sa atong isigkatawo labina sa mga nanginahanglan.

4. Kitang tanan mangamatay ug busa imbis magtigom kita og bahanding kalibutanon, mas haom nga atong tigomon ang mga maayong sanglitanan nga atong ikabilin aron padayon kitang mga makadasig sa atong mga mahal sa kinabuhi ug sa atong kaigsuonan.

Dili dautan ang maghunahuna sa seguridad alang sa kaugmaon mao nga gikinahanglan nga magpondar gyud (Pensions, Insurance, Bangko) apan angay natong timan-an nga kitang tanan mangamatay gayud busa mas haom nga atong himuong mahimaya ang Dios diha sa paggamit sa bisan unsang kalibutanong butang sa paghimaya sa Dios ug sa pag-alagad sa uban.