Adtong miaging Mayo gisaulog ang World Laughter Day. Wa kaayo ni mahibaw-i dinhi sa Pinas. Bisi man gud ang tanan sa pagkusmod tungod sa kapait sa panginabuhi.
* * *
Didto sa Japan ug South Korea, suma pa ning newsclipping nga gitunol kanato, dihay pipila ka mga eskuwelahan nga mipahigayon og laughing sessions. Hahaha.
* * *
Duna sila’y rason mangatawa tibuok adlaw kay tingali bisan ang labing pobre kanila makakaon og tulo ka higayon sa usa ka adlaw ug kapin pa gani tingali.
* * *
Adtong kasaulogan sa World Laughter Day ambot kun duna ba moy nakit-ang Pinoy nga PUJ driver o ba kaha tindera sa isda ang napuno sa pahiyum ang nawong.
* * *
Ari ta sa sports ... Championship karong adlawa sa World Cup Football 2010 didto sa South Africa. Wa pay makatag-an kinsay mosignit sa korona. Gawas ni Paul, ang manalagna nga octopus kinsa ang Espanya kuno maoy modaug batok Netherlands.
* * *
Maayo kunong manalagna si Paul. Lupig ang mga madam -- lakip na ni Madam Auring -- diha sa Quiapo. Apan naa say chimpanzee didto sa Estonia nga mitag-ang Netherlands ang modaug. Ambot unsay tag-an ni Madam Auring or nakadungog ba siya.
* * *
Nagsugod na ang UAAP didto sa Manila. Akong papa duhay gilabanan. Ang UST diin siya nag-college ug FEU diin diay nag high school. Kun magkontra ang UST ug FEU moingon ra siya: “May the best team win...”
* * *
TRIVIA -- Maayong buntag diha sa atong mga higalang football fans sa Mandaue. Kinsay maayong pustaan og labtikanay -- Spain or Netherlands?