Politically mature na ta?
Usa ka inahan nga taga Busay nangutana kanako: “Tagpila man magpatuli sa doktor nga naa sa ospital?” Medyo dugay ko nakatubag. So mi-explain siya: “Dili ako, Sir. Ang duha ko ka anak lalaki.”
* * *
Nagpakisayod ko sa duha ka babayeng medical intern sa CDH. Mipahiyum sila. Mura bag gusto silang mangutana: “Wa pa diay ka, Sir?”
* * *
Atong nasayran nga kasagaran P1,000 ang pangayuon sa doktor ngadto sa tulionon o tinuli na. Pero nganong mobayad man kita -- er, kamo -- og P1,000 nga naa may libre atol sa Operation Tuli?
* * *
Husto na nang topic nga tuli. Basin tuli-sukon ta sa mga wa ganahi sa topic ... Politika nasad ta.
* * *
Sa inyong hunahuna politically mature na ba kitang mga Pinoy? At least duha ka readers sa The Freeman, igsoon nga mantalaan niining Banat News, wala magtuo nga politically mature na kitang mga Pinoy.
* * *
Si Pampee Barcenas sa Carcar City sa iyang opinion nga napatik sa “Text Views” column sa TF, nagkanayon: “Di pa gyud politically mature ang mga botante sa Pilipinas, kay naa pa may mibotar ni Erap, ni Jinggoy Estrada, ni Bongbong Marcos ug ni Juan Ponce Enrile.”
* * *
Laing TF reader-si Bobby Cruz -- miingon sa iyang “Text Views”: “The people finally voted for a good man for President but I am amazed that Erap came in second. My God, Erap, a crook, still came in 2nd...”
* * *
Duna sad koy higala, usa ka dakong opisyal sa usa ka election power firm, nga misulti kanako: “Molayas ko aning nasura ... Wa pa gyud ta nakakat-on og pili sa mga maayong kandidato.” Molarga siya pa-Amerika sa sunod buwan, human makalingkod na kuno si Noynoy.
- Latest
- Trending
