Daghan ang gusto gyung mobotar adtong miaging eleksiyon apan napalpak tungod sa kasaypanan nga wa nila tuyoa ug ilang gikasubo...
* * *
Dihay usa ka 92 anyos ka botante nga mipil-ap sa iyang balota sa dakong padasig. Apan naglalis sila sa iyang batan-ong kauban. Nitu’o ang iyang laway ngadto sa balota ug nanulo na nuon ang iyang boto.
* * *
Diha sad toy laing tiguwang nga na-inbalido ang iyang boto tungod kay wa magkadimao ang iyang pagpaitom sa bilog nga hugis itlog. “Nagkurog-kurog man gud ang iyang kamot,” matud pa sa babayeng miasister niya.
* * *
Ang mga minodernong pamaagi sa pagbotar adtong miaging piniliay wa makapadaug sa usa ka kandidato nga mibubo og minilyon nga sapi sa ads niini sa tanang tv networks. Grabe ka daghan atong tv ads sa maong kandidato apan adto ra gyud siya giugbok sa No. 3.
* * *
Matud pa sa usa ka tigpaniid, kun gigasto lang sa maong bilyonaryo nga kandidato ang iyang binilyon nga ads sa mga proyekto alang sa mga kabus, duna pa siyay legasiya kon kabilin nga ikalipay sa mga timawa.
* * *
Dihay usa ka kandidato pagkasenador nga nanghambog nga wa gyud siya mogasto sa iyang kampanya. So unsay nahitabo? Pilde, ang-ang. Hehe.
* * *
TRIVIA -- Good morning diha sa atong kahigalaan sa Carmen, Cebu, lakip na ni Chito Germino, usa sa atong labing prolific nga magsusulat.