EDITORYAL - Alternatibong source

Polusyon. Nag-una kini karong suliran dili lang sa Pilipinas kundili sa tibuok nasud ug gitumbok nga usa sa kontribyutor sa nasinati karong global warming kon pag-init sa atong kalibutan.

Usa sa source sa polusyon mao ang mga plantang naghatag og kuryente kanato nga di ikalimod importante sa atong panahon. Dunay nuclear, coal powered, diesel powered, ingon man ang mas luwas nga alternatibong renewable energy.

Ang renewable energy mogamit lamang og solar power, hydro power, geothermal power, wind energy ug ang mechanical energy nga makuha gikan sa sulog sa dagat. Pulos kini luwas gamiton apan dako ang gastos ug dili susama ka dako ang ma-suplay nga kuryente.

Dili hinuon imposibleng mapalambo kini dinhi sa ato tungod kay aduna kitay mga dapit nga paborableng kabutangan niini. Kun kini hatagan og gahin ug panahon posibleng maka-produce usab kini og paigong suplay sa kuryente basta dili lang sagulan og kurapsyon.