Mikatawa ko sa offer
Nakadawat ko’g imbitasyon gikan sa usa ka auto service firm diin gioperan ko og patsek ap sa akong auto. “Bring in three cars and get one serviced free.” Mikatawa ko sa tanyag. Labaw pa sa hehehe ang katawa ko.
* * *
Kay ngano? Di ba ko makakatawa nga wa gani ko usa ka auto tulo na ba nuon. Bisan bisikleta wa man gani ko. Sa tinuod lang, duna ko niadto bisikleta apan dihang nagsige kaputol ang kadenang tayaon gibaligya nakos Insek nga nag-espesyalays sa mga puthaw'ng gitaya.
* * *
Natagak kuno ang bra ni Anne Curtis. Dili tinuod ang huhungihong nga apil katagak ang mga liso sa nangka nga nasud sa bra.
* * *
Moretiro na gyud kuno si Pacman? Kun modaug siya didtos Sarangani, moretiro na kuno siya. So padag-on gyud siya aron intawon makatug nag maayo si Nanay Dionesia.
* * *
Mo-take time out una ko human niining kolum. Sugo sa kaluya sa panglawas. Mo-enter ko og hospital anyday now. Wa pa ko kahibaw sa akong sakit. Basta kay sakit.
* * *
Dugay ko na ning gidadang sakita. Nagdahum ko nga molayas ra tungod sa pagsukol ko. Apan nangisog naman nuon. Di na ko pakatulgon. Mura bag miingon nga: “Kinsa ray mosurender nato.”
* * *
TRIVIA — Maayong buntag sa atong mga higala sa Jagobiao ang balwarte sa mga Kapamilya dinhi sa Sugbo.
- Latest
- Trending
