EDITORYAL - Kalingawan sa maestro

Motuo ka ba sa election surveys?

Ang mga survey-survey diin gibutyag kun kinsa ang nag-una sa lumba sa pagka-Presidente maoy naghatag og inspirasyon sa mga kandidatong naa sa ibabaw.

Apan naay mga kandidato nga naa sa ubos nga wala kawad-i’g paglaum. Nagpadayon ang ilang pagpaninguha.

Di pa dugay usa ka magtutudlo sa kolehiyo mihimo’g mini-survey sa iyang gitudloan nga eskuwelahan.

Iyang gipangutana ang mga estudyante kun mituo ba sila sa mga survey nga ilang nabasahan sa mga pamantalaan.

Ang resulta: Mga 60 porsiyento sa mga gipangutana (pulos registered voters) wala magtuo sa survey, ang uban “nagduha-duha sa pagtuo.”

“Kalingawan ra ning akoa,” ang maestro mipatin-aw. “Walay political strings sa paghimo ko sa akong kalingawan,” matud niya.