Tiger Woods ubos ron sa sex rehab?

Si Tiger Woods ginganlan nga "sex addict" kay anaa kini karon sa usa ka rehabilitation clinic didto's Amerika diin gipaubos siya sa "treatment for sexual addiction."

* * *

Kini suma sa taho gikan sa Agence France Presse. Tinuod ba kaha ni? Mora'g dunay kamatuoran kay kasaligan man ang tinubdan sa balita sa AFP.

* * *

Sa sayo pa, ang mga news media sa Amerika mitaho nga si Tiger Woods dunay napu ka mga kabit kun mistress, diin pipila nini miangkon nga uyab sila sa number one golfer sa kalibutan.

* * *

Kun tinuod kining balita nga gipaubos si Tiger sa "treatment for sexual addiction" dunay basihanan ang pagtawag kaniya nga "sex addict" sa usa ka inilang mantalaan.

* * *

Nahimuot ko niini kay suma sa libro bahin sa "sexual behavior" sa mga mananap, giingon nga ang Tiger kun Tigre makighilawas og napu ka higayon sa usa ka adlaw. Manghasi kini kun kuwangan sa napu ang panag-sex niini.

* * *

Wala baya ko miingon nga si Tiger Woods ang gipasabot nga Tiger sa nabasahan kong libro. Tigre sa kalasangan ang buot kong ipasabot. Again, ang kalasangan nga akong gihisgutan dili ang Woods ni Tiger.

* * *

TRIVIA -- Usa ka reader mitawag ug nangutana kun duna ba kunoy hulagway ang Banat News ni Press Secretary Cerge Remonde diin si Cerge nagkusmod. Suma pa niining caller, kinsa nagpaila nga amigo siya sa press secretary, wa pa siya makakitang Cerge nga nagkusmod.