EDITORYAL - Heavy traffic di kahibudngan

Gipahimangnoan kita ni Mayor Tomas Osmeña nga grabe ka heavy ang traffic atol sa Sinulog festival.

Ang mga Sugbuanon naanad na niining heavy traffic panahon sa Sinulog.

Apan matag Sinulog daghan ang mitagawtaw nga maglisud sila’g tultol sa mga sakyanan, sama sa PUJ ug taxi, ug asa kini namarking.

Maayo tingali kun naay motudlo kanila sa mga dapit nga giparkingan sa mga PUJ ug ipaagi kini sa loudspeaker ug directional signs.

Adtong pipila ka mga Sinulog nga nanglabay, daghan ang nagwokaton pauli sa ilang panimay kay wa masayod kun asang dapit nila kapalgi ang mga sakyanan.

Apan kining kalisud nga masinati ihalad na lang ni Sr. Sto. Niño. Ikalipay kini sa Balaang Bata. Pit Senyor!