Ang gihisgutan karon sa mga tigpaniid sa politika dinhi sa dakbayan sa Sugbu mao si Bise Mayor Mike Rama kinsa nagpapili pagka-mayor.
Kasagaran sa maong mga tigpaniid dunay mga panahum ug panglantaw kon pananglitan magmadaugon si Rama.
Ang kumon nga panahum mao nga mopakita na si Rama sa iyang abilidad kun katakos sa wa’y kukahadlok nga pakgangon siya ni Tom O.
“Siya na gud ang mayor, pinili sa katawhan, duna na siya’y kaisug sa paghimo sa gusto niyang himuon alang sa kaayohan sa siyudad,” matud sa usa ka analyst.
Apan naay pipila nga wala kun dili mosanong sa maong panahum.
“Manghilabot gihapon si Tomas ug si Rama mataha gihapon sa pagkontra sa gusto sa iyang political mentor,” suma pa sa laing analyst.
Huwaton na lang nato kon unsay mahitabo human sa eleksiyon -- kana kon magmapalaron si Mike batok ni Alvin Garcia kinsa masaligon usab nga maangkon ang kadaugan.