EDITORYAL - Nagkalain-laing hunahuna

Naay mga higpit nga tigpaniid sa lakaw sa umaabot ng piniliay nga naka-ingon: Ang Comelec ug ang Korte Suprema wa magkasinabot.

Ug matud nila kining wa pagsinabtanay sa duha ka buhatan nakamugna og problema.

Pananglitan ang Comelec mihukom nga ang pagpangrehistro sa mga botante kutob ra adtong Oktubre 31.

So nahunong na ang pagpanglista. Giandam na sa Comelec ang mga listahan sa mga pumipili.

Kalit lang mihukom sad ang Korte Suprema nga isibog ang deadline sa Enero 9, 2010.

Diha say ubang mga desisyon sa Comelec nga wa hiuyoni sa Labing Hataas nga Hukmanan nga giusab sa nauwahi.

Bisan si Comelec Chairman Melo miakseptar nga lahi ang gusto sa Comelec, lahi sab ang gusto sa Supreme Court.

Ang maong situwasyon nakahimo’g problema nga dili unta maproblema kun dunay koordinasyon ang duha ka gamhanang buhatan.