Usa ka artikulo bahi'g panglawas nga atong nabasahan sa usa ka health magazine nag-ingon nga nagkadaghan ron ang mga tawo nga nangaigo og nervous breakdown gumikan sa stress.
* * *
Tungod kuno sa kapaspas sa kinabuhi karon daghang mga tawo -- lalaki ug babaye -- ang nangalandig sa ospital tungod sa stress.
* * *
Duna kitay kaila nga daku-dako sa usa ka pribadong korporasyon kinsa dunay iyang paagi sa paglikay sa stress kon stressful living. Wa siya mobiya sa iyang naandan nga office routine nga suma pa sa iyang doktor stressful kaayo.
* * *
Unsa may iyang kalaki? Si Piolo (dili tinuod niyang ngalan) miapil og duwa sa mga bata sa iyang mga silingan. Magduwa sila'g mga binatang duwa sama sa dyolin, tago-tago, touch-ball, etc.
* * *
Nabasahan man gud kuno niya sa magasin nga mao ning gihimo sa usa ka novelist sa Europe dihang hapit nang na-nervous breakdown gumikan sa stress. "I did what I used to do when I was a child," iyang gikutlo ang novelist nga misulti.
* * *
So mao nang pagabuhaton ni Piolo matag weekend. Makigduwa sa mga bata sa iyang mga silingan. Ug suma pa niya ma-recharged siya human sa ilang duwa. Malimtan niya bisan sa makadiyot lang ang mga problema sa opisina.
* * *
Naa say laing business executive sa lain sang kompaniya nga mieskapo sa stress pinaagi sa pagpalupad og tabanog kuyog sa iyang gagmay'ng bata (tulo ka buok) sa iyang uma matag Sabado.
* * *
TRIVIA -- Gud morning diha sa atong mga friends sa barangay hall sa Punta Princesa ... best wishes to Limlin Prado sa Gorordo Ave. gikan sa iyang papa ug mama.