Ang nakapadaug ni Glo

Gipanghimakak ni Mayor Andal Ampatuan ang akusasyon nga siya ang mi-order sa Maguindanao masaker. Nagsunod lang sa 11th commandment si Andal: “Thou shalt not be caught and if caught thou shalt not admit.”

* * *

Giingon diri nga ang mga Ampatuan maoy nakapadaug ni Ate Glo sa miaging presidential election. Matud pa sa mga sumusunod sa mga Ampatuan nga kun wa pa ang Ampatuan boys si FPJ na ron atong Presidente.

* * *

Unsa man diay tong 1 million votes nga matud natong mga Cebuanos maoy nakapadaug ni Ate Glo. Ug matud pa gani sa mga FPJ followers didto sa Manila gitikas kuno ug gihan-uk sa total votes ni Glo.

* * *

Maong nagdiki-diki si Ate Glo sa pag-order nga arestahon si Mayor Andal Ampatuan kay ang mga Ampatuan instrumental sa kadaugan ni Gloria. Maoy nakanindot ni Ate Glo makamao molingi sa utang kabubut-on.

* * *

Mao say rason tingali nganong wa pusasi sa mga polis si Mayor Andal sama sa ilang pagpusas ni Ted Failon ug sa mga sakop sa iyang banay. Gitukmud-tukmod pa gani si Ted kay kontra man ni Glo.

* * *

Lain pang “pabor” nga gihatag ngadto ni Mayor Andal mao nga wala siya pasul-oba og yellow nga t-shirt nga gimarkahan og DETAINEE. Di sama sa ubang gi-detain nga ilisan dayon ang sapot og t-shirt nga alang sa gi-detain nga mga suspek.

* * *

Nalingaw karon ang mga sakop sa media dinhi sa ato pagbantay kun kinsang mo-file sa ilang certificate of candidacy ug sa unsang puwesto. So far pulos pa man mga tarong nga tawo ang mi-file sa COC. Wa pay bisan usa nga mi butyag nga gisugo siya sa Ginoo kay No. 1 siya sa survey didto sa langit.

* * *

TRIVIA — gud morning diha sa atong mga reader sa paradahan sa mga PUJ diha sa may SM City ug Ayala Center ... Ug keep up the good work, mga newsboy ta diha sa Bacalso Ave.