Maghari ka

Tinuod hari ang Ginoo apan dili ikalimod nga bisan pa man kun siya hari ang wala makalingkawas sa mga intriga ug mga ngil-ad nga laraw nga gihimo sa mga tawo batok kaniya. Kini tungod sa mga hinungdan sama sa kasina ug kalagot. Mao nga dili sa tanang higayon ang maayo ang pagasuklian usab og maayo ni ang pagpaningkamot ang pagsuklian usab og pag-abag kay dunay paningkamot nga abagan man hinuon og libak, intriga o dili ba kaha hulga. Apan bisan pa niini, ang Ginoong Hari mipakita sa usa ka sanglitanan nga sukwahi sa naandan ug tawhanong pagsabot. Mapaubsanon niyang gidawat ang hukom sa kabangis dili tungod kay wala siya’y mahimo kun dili ang kahigayonan nga gilatid sa kasaysayan wala motugot kaniya sa ingon. Ning atong pagsaulog sa Solemnidad ni Kristong Hari, kita unta ang mahinumdom sa dakong bili sa pagpaubos bisan pa man kun kini lisod ug kapoy buhaton.