EDITORYAL - Dili ta kalimtan si Gorres

Samtang kita naglipay ug nagmaya gumikan sa kadaugan ni Manny Pacquiao, dili nato hikalimtan nga naay laing Pinoy nga boksingero nga nagkinahanglan sa atong espirituhanon nga suporta ug pagtagad.

Si Z “The Dream” Gorres nga na-ospital human sa iyang kadaugan didto sa Las Vegas naluwas na sa talandugong kahimtang.

Apan nagkinahanglan gihapon kini sa atong pag-ampo nga kahatagan siya og hingpit nga kaayohan sa iyang panglawas.

Si Gorres nakahatag sab baya og kadungganan sa nasud, labi na sa Sugbu, gumikan sa iyang maayong rekord sa pamoksing.

Agakon nato siya pinaagi sa pag-ampo ngadto’s Kahitas-an nga mobalik ang kalig-on sa iyang panglawas.