EDITORYAL - "Kontra Boga" ipadayon

Dihay balita nga ang kampanya batok sa loose guns kon dili lisensiyadong mga armas de fuego malampuson kaayo.

Gani matud pa sa kadagkoan sa Philippine National Police misobra pa sa target ang gidaghanon sa mga loose guns nga nasakmit.

Atong pahalipay ngadto sa PNP. Apan bisan pa og nisobra sa target ang gidaghanon sa mga di-lisensiyadong pusil nga nasikop, kinahanglan gihapon nga ipadayon ang kampanya nga gitawag og“Kontra Boga.”

Adtong usang adlaw lang duha ka hitabong pagpamusil ang gibalita. Sa ato pa naa pa gyu’y mga loose firearms nga gikuptan sa mga tawong badlongon.

Hinaut nga ipadayon ug hatagan pa gyud og puwersadong pagduso ang “Kontra Boga” sa PNP.